Першае пасяджэнне польска-беларускай камісіі экспертаў па вырашэнні канфлікта вакол непрызнанага афіцыйным Мінскам Саюза палякаў у Беларусі пачалося сёння ў Мінску.

Аляксандр Мілінкевіч заявіў пра сваю гатоўнасць удзельнічаць у будучых прэзідэнцкіх выбарах, але афіцыйнае абвяшчэнне адклаў на два месяцы. Лідэр Руху “За Свабоду” таксама пракаментаваў заяву патэнцыйнага кандыдата ў прэзідэнта Андрэя Саннікава аб памылковасці еўрапейскай палітыкі ў дачыненні да Беларусі.

Разам з пашырэннем абсягу вяшчання трансгранічнага Радыё Рацыя на памежных польска-беларускіх пераходах з’явіліся і рэкламныя білборды беларускага незалежнага вяшчання.

Паводле Лідзіі Ярмошынай, незвычайную актыўнасць дэманструюць Беларуская сацыяльна-спартыўная і Аграрная партыі. Іх заяўкі ў склад выбарчых камісіяў падтрыманыя на 99%. А вось Кансерватыўна-хрысціянская партыя БНФ, хоць і вылучыла 8 сябраў камісіяў, ніводнага месца так і не атрымала.

Падчас візіту кіраўніка Беларусі Аляксандра Лукашэнкі ў Каракас была дасягнута дамоўленасць пра пастаўкі ў Беларусь нафты, якая пасля пераапрацоўкі будзе прадавацца ў Еўропе. Наколькі такі праект выгадны эканамічна? Пра гэта з польскім аналітыкам Анджэем Шчэснякам, польскім экспертам па пытаннях рынку энерганосьбітаў, гутарыць Сяргей Скулавец.

Візіт прэм'ер-міністра Расіі Уладзіміра Пуціна ў Брэст далёка адышоў ад афіцыйнага пратакола сустрэчы і зацягнуўся да позняга вечара, што па неафіцыйнай інфармацыі звязана ў першую чаргу з кепскім надвор'ем якое пануе ў небе над Брэстам.

Венесуэла будзе пастаўляць у Беларусь 80 тысяч барэляў нафты ў дзень. Пасля перапрацоўкі гэтую нафту плануецца прадаваць у Еўропе. Пастаўкі маюць распачацца ў траўні. Такія дамовы былі дасягнуты падчас візіту кіраўніка Беларусі Аляксандра Лукашэнкі ў Каракас.

Сустрэчу старшыні Еўрапейскага парламента са спікерамі парламентаў краін запрошаных да ўдзельніцтва ва „Усходнім партнёрстве”, якая планавалася на 24 сакавіка, адтэрмінавалі ў бліжэй нявызначаную будучыню.

На 24 сакавіка запланаваная сустрэча ў Еўрапарламенце 5 спікераў парламентаў запрошаных да праграмы „Усходняе партнёрства” (Еўранест) – Малдовы, Грузіі, Украіны, Арменіі і Азербайджана.

Трэці дзень сябры Берасцейскай абласной арганізацыі Партыі БНФ, якія вылучаюцца ў кандыдаты шляхам збору подпісаў, стаяць у вулічных пікетах, прысвечаных збору подпісаў.

У намесніцы галоўнага рэдактара «Народнай волі» Марыны Коктыш на памежным пераходзе «Каменны лог» на месяц забралі набыты ў Літве аўтамабіль, а саму журналістку на наступны дзень адправілі ў Мінск на папутнай машыне.

Прадстаўнікі палітычных партый і дэмакратычнай супольнасці Беларусі засталіся незадаволеныя персаналіямі, якіх плануецца запрасіць на устаноўчы сход міжпарламенцкай асамблеі Еўранест. Апазіцянеры вырашыліся скласці свой дадатковы спіс.

Некалькі дзён да галасванна рэзалюцыі амбасадар Рэспублікі Беларусь у Польшчы, Віктар Гайсёнак, выступіў з заклікам да еўрадэпутатаў паўстрымацца ад галасавання гэтага дакумента.

Запланаванае на 24 сакавіка першае паседжанне Парламенцкай Асамблеі (Еўранест) "Усходняга партнёрства" перанесенае. Новая дата пакуль не ўстаноўлена. Канферэнцыя старшыняў вырашыла, што дэпутаты вернуцца да вырашэння пытання прадстаўніцтва Беларусі не раней як праз месяц.

Карэспандэнт нашага радыё Барыс Гарэцкі пагутарыў з актывістам неафіцыйнага Саюзу палякаў на Беларусі, журналістам выдання «Gazety Wyborczej» Анджэям Пачобутам аб сітуацыі вакол арганізацыі і аб далейшых кроках.