Архіў

Сям’я Лапіцкіх з Жодзіна працягваюць змаганне за права навучання ў школе іх сына Янкі на беларускай мове. Спачатку Ян вучыўся ў беларускамоўным класе, а пасля таго як у Жодзіне такія класы зніклі, нейкі час з Янкам Лапіцкім займаліся па індывідуальнай праграме. Але і такой магчымасці Лапіцкія неўзабаве пазбавіліся.

Галоўным сярод асноўных прыярытэтаў ваенна-палітычнага супрацоўніцтва Расіі ў зацверджанай 5 лютага Ваеннай дактрыне названа ўзаемадзеянне з Беларуссю. Тэкст дакумента размешчаны на афіцыйным сайце прэзідэнта РФ.

Павал Севярынец 7 лютага ў Гродне сустракаўся з актывістамі Беларускай хрысціянскай дэмакратыі ў будынку па вуліцы Будзённага, 48, а ўвечары палітык наведаў таксама і Ліду.

Невядомыя пракалолі ў Гродна колы і аблілі блакітнай фарбай два легкавікі, якія пастаянна выкарыстоўваюцца непрызнаваным уладамі Саюзам палякаў на чале з Анжалікай Борыс. Пра гэта паведаміў прэс-сакратар арганізацыі Ігар Банцар.

У Водным парку літоўскіх Друскенікаў адкрылася супольная выстава вядомых гродненскіх мастакоў Алеся Сурава і Вацлава Рамашкі. Гэта іх першая творчая акцыя ў Літве.

Гала-канцэрт фестываля "Беларуская песня - 2010" у Беластоцкім Драматычным тэатры адкрыў старшыня галоўнага праўлення Беларускага Грамадска-Культурнага Таварыства Янка Сычэўскі, які прывітаў запрошаных гасцей, сярод якіх: сенатар Уладзімір Цімашэвіч, праваслаўны епіскап Якаў ды іншыя. Фестываль адкрыў гурт "Чыжавяне" з Чыжоў, які традыцыйна адкрывае гала-канцэрты фестывалю "Беларуская песня".

Беларускія студэнты з Варшавы сёння ўшануюць памяць знакамітага змагара за свабоду Кастуся Каліноўскага. І зробяць яны гэта прабегам на лыжах з Баброўнікаў у Мастаўляны, дзе і нарадзіўся Кастусь Каліноўскі.

Скончыўся візіт дэлегацыі венгерскіх дыпламатаў. Упершыню парламентары з гэтай краіны наведалі незалежную Беларусь. Венгрыя плануе працягваць дыялог на гэтым узроўні. Беларускі міністр замежных спраў Сяргей Мартынаў атрымаў запрашэнне ўзяць удзел у паседжанні Вышэградскай групы ў Будапешце.

Кіраўніцтва Беларускай хрысціянскай дэмакратыі пачало перадвыбарчы аб’езд сваіх рэгіянальных структур – першым наведалі Полацк, дзе ў сустрэчы з Паўлам Севярынцам узялі ўдзел больш 30 мясцовых актывістаў.

Сёння ва Украіне праходзіць другі тур прэзідэнцкіх выбараў. За права заняць вышэйшую дзяржаўную пасаду змагаюцца цяперашні прэм'ер-міністр 49-гадовая Юлія Цімашэнка і лідэр апазіцыйнай Партыі рэгіёнаў, былы кіраўнік урада 59-гадовы Віктар Януковіч.