Архіў

Брэсцкі актывіст міжнароднай маладзёжнай арганізацыі "Малады фронт" Іван Стасюк вызвалены з-пад варты. 3 лютага ён выйшаў з дому і не вярнуўся. Толькі на наступны дзень маці Івана даведалася, што ён знаходзіцца ў ізалятары часовага ўтрымання ў Брэсце і падазраецца ў злосным хуліганстве.

Прэзідэнт Украіны Віктар Юшчанка даручыў Кіраванню дзяржаўнай аховы ажыццяўляць кругласутачную ахову членаў Цэнтральнай выбарчай камісіі.

Адкрыццё персанальнай выставы Ігара Корзуна «Numbers&Doors» адбудзецца 8 лютага а 19‑й гадзіне. Праект Ігара Корзуна»Numbers & Doors»аб’ядноўвае «татальны» фотаархіў, некалькі аб’ектаў і акумулюючую інсталяцыю.

У чарговым матчы чэмпіянату Кантынентальнай хакейнай лігі мінскае "Дынама" саступіла ЦСКА з лікам 2:4 (1:0, 0:1, 1:3). Гульня адбылася 5 лютага ў Мінску.

Як паведамілі БелаПАН у Міністэрстве сувязі і інфарматызацыі, у 2009 годзе колькасць абанентаў сотавай сувязі ўзрасла на 1,5 млн. Гэты вынік амаль на паўмільёна перавысіў гадавое заданне, якое прадугледжвала рост на 1 млн. 65 тыс. абанентаў.

Як паведаміў 5 лютага на прэс-канферэнцыі старшыня Гомельскага аблвыканкама Аляксандр Якабсон, у 2009 годзе рэгіён справіўся з прагнознымі паказчыкамі па будаўніцтве жылля — было пабудавана 770 тыс. кв. м. Гэта амаль у два разы больш, чым узводзілі пяць гадоў таму.