Архіў

Фармат удзелу Беларусі вызначыцца напрыканцы лютага пасля візіту еўрапейскіх дэпутатаў ў Беларусь, сказаў старшыня дэлегацыі па справах Беларусі ў Еўрапейскім парляманце Яцэк Пратасевіч. Згодна апошнім паведамленням, першы візіт еўрадэпутатаў у Мінск прызначаны на 12 лютага. Беларуская апазіцыя ад правага да левага крыла рыхтуе сваіх прадстаўнікоў у парламанцкую Асамблею праграмы Усходняга партнёрства.

Дзяўчына, якую летась адлічылі з БДУ за грамадскую дзейнасць, упэўненая, што ў еўрапейскім універсітэце такая сітуацыя немагчыма. Таццяна была адлічана з універсітэту за ўдзел у пасяджэнні форуму грамадзянскай супольнасці краін-удзельніц праграмы “Усходняе партнёрства”.

Паводле ацэнкі Міжнароднага валютнага фонду, патрэбнасці Беларусі ў знешнім фінансаванні ў 2010 годзе складуць 4 млрд. 954 млн. долараў. Пра гэта гаворыцца ў дакладзе МВФ па выніках трэцяга агляду праграмы stand-by. Эксперты фонду павялічылі свой прагноз наконт патрэбнасці Беларусі ў фінансаванні на 722 млн. долараў.

5 лютага завяршаецца вылучэнне прадстаўнікоў у склад акруговых выбарчых камісій, якія будуць працаваць на выбарах дэпутатаў мясцовых саветаў. Выбары ў мясцовыя саветы адбудуцца 25 красавіка.

Беларускі прафсаюз працоўных радыёэлектроннай прамысловасці працягвае аказваць падтрымку звольненаму адміністрацыяй завода «БелАЗ» актывісту Юрыю Лобану. Арганізацыя збірае добраахвотныя ахвяраванні і рыхтуецца абараніць правы працоўнага ў чарговай судовай інстанцыі.

Хакейны клуб «Дынама» з Мінска папрасіў вярнуць касцюм талісмана каманды Зубра, скрадзены падчас Матчу зорак КХЛ. Касцюм Зубра знік з клубнага склада.

Набліжаецца да завяршэння міжнародны польска-беларускі мастацкі пленэр гміны Нараўка. У восьмы раз сабраліся мастакі з Польшчы і Беларусі, каб у мастацкіх працах захаваць прыгажосць краявідаў прыпушчанскай гміны.

Гаспадарчы суд Гродненскай вобласці распачынае разгляд справы фірмы “Палоніка”, якая дзейнічае пры непрызнаваным ўладамі Саюзе палякаў на Беларусі. Падатковая інспекцыя пасля шматмесячных праверак палічыла, што фірма “Палоніка” пазазаконна атрымлівае фінансавую дапамогу з польскага боку на ажыццяўленне адукацыйнай і культурнай дзейнасці сярод нацыянальнай меншасці.